تسوق وبالك مرتاح مع حماية المشتري من تمارا
يهمنا في تمارا أن تجربة الشراء تكون سهلة وآمنة. مع برنامج حماية المشتري من تمارا، تسوق وبالك مرتاح. لأن تمارا بتكون معك إذا واجهت أي مشاكل في الطلب. *تطبق الشروط والأحكام.
برنامج حماية المشتري
تسوق وبالك مرتاح مع برنامج حماية المشتري. ولا تشيل هم مشاكل الطلبات لأننا بنكون موجودين لمساعدتك سواء الطلب مو وصلك أو يختلف عن الوصف. *تطبق الشروط والأحكام.
راحة بالك هي أولويتنا
تسوق بأمان مع برنامج حماية المشتري:
ما استلمت طلبك؟ لا تشيل هم، بنساعدك بتتبع حالة الطلب أو بنرجع لك فلوسك إذا لزم.
المنتج مختلف عن الوصف؟ إذا استلمت منتج بجودة سيئة أو مختلف عن اللي كنت متوقعه، راح نحل لك المشكلة.
مشاكل في الاسترداد أو الإلغاء؟ إذا لم تتم عملية الاسترداد أو الإلغاء من المتجر، بنساعدك في إتمام العملية بسهولة.
بيوصلك الحل
احنا موجودين عشان نساعدك بكل خطوة وهدفنا نحل المشكلة خلال 21 يوم عمل. فريقنا بيراجع كل التفاصيل وراح يتواصل مع المتجر نيابة عنك وبيلقى حل للمشكلة بأسرع وقت.
كيف تحصل على المساعدة بخصوص طلبك
ابدأ مع المتجر
أول خطوة، تواصل مع المتجر مباشرة لأن غالبًا يقدرون يحلون المشكلة بسرعة.
ارفع مطالبة لتمارا
إذا ما انحلت المشكلة، لا تشيل هم، ارفع مطالبة لتمارا عشان نساعدك.
قدّم المعلومات
قدم التفاصيل المهمة مثل الإيصالات، الصور، أو محادثاتك مع المتجر عشان نساعدك بشكل أسرع.
بيوصلك الحل
راح نتواصل مع المتجر عشان نتحقق إذا كنت مؤهل لبرنامج حماية المشتري. نهدف لحل المشكلة خلال 21 يوم عمل. *تطبق الشروط والأحكام.
مين اللي يقدر يستفيد من البرنامج؟
عشان تستفيد من برنامج حماية المشتري من تمارا، طلبك لازم يستوفي المعايير التالية:
استخدمت خيار ادفعها كاملة من تمارا أو أنك عضو في تمارا سمارت وأتممت الطلب خلال فترة العضوية.
طلبك كان من أحد شركاء تمارا ومدة الطلب ما تتجاوز 120 يوم.
تم الطلب أونلاين. الطلبات اللي تتم داخل المتجر مع توصيل مجدول تكون مغطاة فقط في حالة مشاكل الاسترجاع. أما المشتريات اللي تتم داخل المتجر ويتم استلامها فورًا ما تكون مغطاة.
إذا كنت عضوًا في تمارا سمارت، بيتم تغطية مشاكل جميع الطلبات إذا كانت أونلاين أو للتوصيل.
إذا لم يُلاحظ أي نشاط احتيالي أو إساءة استخدام محتملة على حسابك في تمارا.
إذا قدمت أدلة عن مشكلة الطلب مثل الفواتير و الرسائل مع المتجر.
ايش اللي ما يغطيه البرنامج؟
بعض أنواع المشتريات ما راح تكون من ضمن حماية المشتري، مثل:
المدفوعات الخاصة بالخدمات مثل السفر، الفعاليات، أو التأمين.
المنتجات الرقمية مثل الاشتراكات والرموز الغير قابلة للاستبدال (NFTs).
السلع المعادلة للنقد مثل الهدايا أو شحن المحافظ الرقمية.
